Poderán concorrer a esta convocatoria pública as asociacións veciñais, culturais, sindicais, sociais, deportivas, comunidades de montes e entidades empresariais, sen ánimo de lucro, que en función do programa deberán estar inscritas con anterioridade ao inicio do prazo de presentación de solicitudes á presente convocatoria, nos epígrafes que a continuación se relacionan do Rexistro Municipal de Asociacións (RMA), que fomenten o emprego, o asociacionismo e a participación cidadá e teñan como ámbito de actuación o termo municipal de Vigo, e cuxas actividades complementen competencias municipais, mediante a realización de programas de actividades relacionadas co emprego, a cultura, a asistencia, o lecer, o deporte e a mellora da empregabilidade que serven para reforzar os servizos que, neste ámbito, presta o Concello de Vigo.

• Programa I: "Entidades veciñais e culturais" - Epígrafes 10.1 e 10.5.

• Programa II: "Entidades sociais e asistenciais" - Epígrafes 1, 2, 4.1 e 9.1.

• Programa III: "Organizacións sindicais" - Epígrafe 5.1

• Programa IV: "Entidades empresariais” - Epígrafes 5.2

• Programa V: "Comunidades de Montes" - Epígrafe 10.7

• Programa VI: "Entidades deportivas" - Epígrafes 3.0.0, 3.1.1 e 3.1.2

Prazo de presentación da xustificación: Hasta el 17/10/2025.

• (SFESL2025) Anexo VIII: Declaración responsable de xustificación da subvención asinada electronicamente polo representante legal da entidade na que manifesten que a documentación dixitalizada que se achega para a xustificación da presente subvención é fiel reprodución da documentación orixinal e que son certos todos os datos reflectidos na documentación achegada para xustificar o cumprimento da finalidade para a que se concedeu a subvención e da aplicación dos fondos recibidos.
• (SFESL2025) Anexo IX: Memoria de actividades realizadas asinada electronicamente polo representante legal da entidade, conforme ao proxecto achegado coa solicitude, no que fundamentaron a concesión da/s subvención/s realizadas.
• (SFESL2025) Anexo X: Memoria económica as entidades beneficiarias achegarán a través da sede electrónica unha memoria económica asinada electronicamente en .pdf coa relación dos custos salariais e de seguridade social, así coma dos outros custos (gastos financeiros e de xestión), segundo o modelo a disposición na sede electrónica, que tamén remitirán por correo electrónico a ofi.emprego@vigo.org
• (SFESL2025) Anexo XI: En caso de exención do IVE achegarase unha declaración responsable asinada electronicamente pola entidade de non dedución do IVE ou, no seu defecto, o acordo de exención do IVE correspondente.
• (SFESL2025) Anexo XII: Documento de información á persoa traballadora
• Memoria das contratacións realizadas con cargo á subvencións
• Certificación de estar ao corrente coas obrigas tributarias
  A beneficiaria deberá estar ao corrente no seu cumprimento coas obrigas tributarias (administracións estatal, autonómica e local) e coa Seguridade Social. Se a entidade non autorizou ao Concello para a súa expedición por medios telemáticos deberá achegar de novo os certificados correspondentes ou a declaración responsable naqueles supostos previstos no artigo 31.7.e) da Lei 9/2007 de Subvencións de Galicia.
• Copia da resolución de outorgamento
  Para o caso de que a entidade beneficiaria declare ter recibido outras subvencións para os mesmos gastos subvencionados nos Programas desta convocatoria, ou para a mesma finalidade procedentes de calquera das administracións públicas ou entidades públicas ou privadas, nacionais ou internacionais, deberá achegar copia electrónica da resolución de concesión das mesmas.

• Desenvolvemento local e emprego Concello de Vigo
  Praza do Rei 1, 4ª Planta
  Teléfono: 986 810 304 ; 986 810 232

  Horario: De 9:00 a 13:30 horas.

• Bases reguladoras Documentación na páxina de Convocatorias e subvencións