Recargo sobre estadias turisticas
RECARGO SOBRE ESTADÍAS TURÍSTICAS
O Recargo municipal sobre o Imposto Galego sobre as Estadías Turísticas establécese sobre as estadías realizadas en establecementos de aloxamento turístico situados en Vigo, así como sobre as realizadas en embarcacións de cruceiro turístico fondeadas ou amarradas no porto de Vigo, cando realicen escala no mesmo.
A finalidade deste tributo é que as persoas que realizan estadías en establecementos turísticos poidan contribuír de xeito equitativo ao sostemento dos servizos públicos municipais. O 80% do importe recadado empregarase para financiar actuacións dirixidas á promoción, impulso, protección, fomento e desenvolvemento sustentable do turismo na cidade.
Para máis información: turismo de Vigo
O recargo é cobrado polos establecementos e empresas consignatarias ás persoas que realizan as estancias e posteriormente ingresado ao Concello mediante autoliquidación semestral.
