Solicitude de Certificación Urbanística
Poderanse formular consultas por escrito relativas á situación urbanística dunha determinada parcela, soar, inmoble ou local, así como dos actos ou usos do solo o subsolo permitidos e do procedemento de tramitación aplicable para a actuación de que se trate.
A consulta será contestada nun prazo máximo de dous meses, unha vez presentada no rexistro a solicitude.
No caso da certificación urbanística, o informe técnico é certificado pola/o secretaria/o da Xerencia Municipal de Urbanismo.
A quen está dirixido
Como facelo
Por Internet
Para poder rexistrar documentos no Rexistro da Xerencia de Urbanismo a través de Internet coa mesma validez que se o fixese presencialmente hai que estar rexistrado previamente na Carpeta do Cidadán .
Na Carpeta do Cidadán na sección de Expedientes e Documentos atopará o formulario de rexistro en liña onde poderá adxuntar documentos de texto, imaxe ou planos xunto coa solicitude.
No caso de querer achegar documentación asinada, debe ter en conta que, para a presentación telemática, só terá validez a documentación asinada electrónicamente e non a documentación escaneada asinada a man.
Presencialmente
So para os solicitantes non obrigados a relacionarse telemáticamente coa administración (pode consultar os solicitantes obrigados a relacionarse coa administración de maneira electrónica).
Debe presentar na oficina de Rexistro da Xerencia de Urbanismo o impreso de solicitude xunto con toda a documentación requerida.
Documentación requirida
- Solicitante: Fotocopia do DNI no caso de persoas físicas. No caso de persoas xurídicas a persoa que asina a petición achegará documentación acreditativa da súa representación como unha fotocopia pública da escritura de constitución da sociedade, poder,etc
-
Plano de localización sobre cartografía oficial Din A-3, Escala 1/2000
no que se reflicte a posición exacta da parcela. - Formulario para cubrir coa documentación que se achega para solicitude de certificación urbanística
- Impreso de solicitude xeral da Xerencia de Urbanismo 2 copias
Oficinas
-
Xerencia Municipal de Urbanismo
Praza do Rei s/n
Teléfono: 986 810 320
Horario: De 9:00 a 13:30 horas.
App móbil Vigo
Información da cidade (transporte, axenda, recursos, ...), trámites, ofertas de emprego,...
Concello de Vigo (Servizo de Administración Electrónica)
Praza do Rei 1 - 36202 - Vigo (Pontevedra) - Teléfono: 010 - 986810100
