Tal e como establece a Lei do Solo de Galicia (art. 79) e o seu regulamento (art. 192), poderán redactarse estudos de detalle en desenvolvemento dos plans xerais, plans parciais e plans especiais, cos obxectivos de: completar ou reaxustar as aliñacións e rasantes; ordenar os volumes edificables; e concretar as condicións estéticas e de composición das edificacións complementarias do planeamento. En todo caso, teranse en conta as limitacións establecidas en ditos artigos.

• A documentación técnica será a sinalada na normativa de aplicación e se formalizará como mínimo nunha copia en formato dixital
• Impreso de solicitude xeral da Xerencia de Urbanismo no caso de presentación presencial.
• Solicitante: Fotocopia do DNI no caso de persoas físicas. No caso de persoas xurídicas a persoa que asina a petición achegará documentación acreditativa da súa representación como unha fotocopia pública da escritura de constitución da sociedade, poder,etc
• Acreditación do interese / Escritura/s de propiedade
• Relación de propietarios afectados
  con direccións a efectos de notificación.
• Os estudos de detalle conterán os documentos xustificativos dos extremos sobre os que versen e como mínimo (art. 193 RLSG):
  • Memoria xustificativa
  • Planos de información
  • Planos de ordenación
  • Calquera outra documentación que estime oportuno achegar
    que poidan contribuír á xustificación
• A documentación técnica seguirá os criterios técnicos para a elaboración de documentos de planeamento contidos nas Normas Técnicas de Planeamento de Galicia (NNTTPP):
  • Seguirase a estrutura de carpetas e codificación
  • A entrega da documentación en formato dixital (editable e non editable) se formalizará en dúas carpetas comprimidas
    coas súas correspondentes pegadas dixitais e unha declaración responsable segundo anexo 9.
  • A documentación non editable estará asinada dixitalmente pola/s persoa/s redactora/s

• Xerencia Municipal de Urbanismo

  Praza do Rei s/n

  Teléfono: 986 810 320

  Horario: De 9:00 a 13:30 horas.