O certificado de defunción é o documento oficial que acredita o falecemento da persoa.

Existen varias modalidades:

A) Certificados Positivos:

1. Extracto: É un resumo da información relativa ao feito do falecemento que consta no Rexistro Civil. Pode ser de distintos tipos:

Ordinarios: É o expedido en lingua castelá para aquelas comunidades autónomas cuxo único idioma oficial sexa o castelán.

Internacional ou plurilingüe: É o destinado a producir efecto nos países que teñan ratificado o Convenio de Viena do 8 de setembro de 1976. Este certificado expídese no idioma oficial de todos os países asinantes do citado convenio (España, Alemaña, Austria, Bélxica, Bosnia, Croacia, Eslovenia, Francia, Italia, Luxemburgo, Macedonia, Países Baixos, Portugal, Suíza, Turquía, Serbia Montenegro).

Bilingüe: Sempre que se solicite un certificado en extracto nunha Comunidade Autónoma que teña o seu propio idioma oficial, este será emitido en castelán e no idioma oficial da Comunidade Autónoma no que se expida.

2. Literal: É unha copia literal da inscrición de defunción que contén todos os datos relativos á identidade do falecido e ao feito do falecemento.

B) Certificados Negativos: Acreditan que non está inscrito o falecemento dunha persoa nese Rexistro Civil.

• Rexistro Civil de Vigo Lalín 4,
  36209 Vigo
  Teléfono: 986 817 404

  Horario: De 9:00 a 13:00 horas.

• Título de Familia Numerosa
• Transmisión da Licenza de Taxi por Falecemento do Titular
• Expedición de Licenza para Traslado de Cadáveres e Restos