Considérase venda ambulante:

1. A realizada en feiras e mercados que se realicen en lugares establecidos cunha periocidade determinada.

2. A realizada en mercados ocasionais debidos á celebración de festas ou acontecementos populares.

3. O comercio na rúa, entendido este como o realizado na vía ou no espazo público nun número de postos, situación e períodos determinados.

Non terán a consideración de ambulante as vendas realizadas dentro de locais ou recintos ocupados por un certame ferial.

Exceptúase a venda de toda clase de produtos alimenticios que queda prohibida conforme coas normas contidas nas disposicións vixentes.

Poderán optar ás autorizacións que se regulan nesta ordenanza, todas as persoas españolas e estranxeiras, maiores de idade, que teñan plena capacidade xurídica e de obrar conforme coa lexislación mercantil e co establecido na Lei 13/2010, do 17 de decembro, do comercio interior de Galicia.

• No caso de facer a solicitude presencialmente ou por correo:
  • Solicitude de instalación de posto de venda na vía pública
• No caso de oposición a que o Concello consulte estes datos
  • Fotocopia do DNI, NIE ou pasaporte en vigor do solicitante
• Memoria xustificativa
  onde se explique con detalle o evento a celebrar e os seus obxectivos. Na memoria deberá figurar: 1. Relación de todos os vendedores que participarán no evento, detallando os produtos a vender. Así mesmo, cada vendedor deberá achegar: a) Fotocopia do seu DNI/CIF b) Declaración responsable asinada conforme está ao tanto de todas obrigas coa administración. c) Xustificante de pago do último recibo de autónomos. d) Certificado actualizado da situación no censo de actividades económicas da AEAT ou o modelo 037 ou 036 do ano en curso. e) Último recibo do pago do seguro de responsabilidade civil que deberá especificar a data da vixencia e o tipo de seguro contratado.
• Plano de situación
  da celebración do evento cos postos numerados.
• Declaración responsable sobre condicións hixiénicas e técnico-sanitarias para a actividade de restauración ou venda de alimentos de carácter temporal
• Declaración responsable para a venda ambulante e para a montaxe de postos, quioscos ou carpas
• No caso de non autorizar que o Concello consulte estes datos
  • Xustificante de estar inscrito/a como traballador/a autónomo na Seguridade Social e estar ao corrente do pagamento das cotizacións correspondentes
  • Xustificante de estar inscrito/a no imposto de actividades económicas e estar ao día no pagamento
  • Xustificante de estar ao corrente no pagamento do seguro de responsabilidade civil

A solicitude presentada con DNI electrónico ou a través da carpeta cidadá terá a mesma validez que a solicitude presencial.

- As autorizacións serán persoais e intrasferibles.

- Os seus titulares serán exclusivamente persoas físicas e serán concedidas por un prazo determinado que en ningún caso excederá dun ano natural.

- Non será concedida máis dunha autorización a nome da mesma persoa.

- Os titulares de cada posto deberán instalarse no lugar adxudicado polo Concello e non poderán superar o espazo autorizado.

- O posto só poderá estar montado durante o horario de venda autorizado.

- A venda realizarase sobre mesas desmontables e non se poderá expor mercancía no chan.

- Soamente poderán venderse os produtos autorizados.

- O espazo ocupado non dificultará o tráfico peonil nin o acceso a vivendas ou locais.

- En ningún caso se ocuparán zonas con vexetación.

- O posto só poderá estar montado durante o horario de venda autorizado.

- Durante cada xornada, o titular deberá manter a zona ocupada correctamente ordenada e ao remate desta deberá recollela, quedando o espazo totalmente limpo.

- Para o uso do comercio ambulante cumprirá o uso de instalacións desmontables e/ou transportables. Queda prohibida a exposición de mercadorías no chan.

- A autorización municipal exhibirase obrigatoriamente no respectivo posto de venda. A administración municipal reservarase a facultade de exercer, por medio dos seus axentes, unha inspección periódica e constante para comprobar o cumprimento desa esixencia e o acatamento das restantes prescricións desta ordenanza.

• Departamento de Comercio Concello de Vigo
  Praza do Rei 1 - 2º andar
  Teléfono: 986 810 253

  Horario: De 9 a 13:30 horas

• Ordenanza Nº 30: Ordenanza Fiscal Reguladora das Taxas por Aproveitamento Especial ou Utilización Privativa do Dominio Público Local
• Ordenanza reguladora da venda na vía pública e espazos abertos

• Lei 13/2010, de 17 de decembro, do comercio interior de Galicia