Modificación no Padrón por Cambio de Domicilio dentro do Mesmo Municipio
O Padrón é o rexistro que acredita a residencia e o enderezo dos veciños
do municipio para tódolos efectos administrativos.
A quen está dirixido
Toda persoa que viva en España ten a obriga de inscribirse no padrón do municipio onde reside habitualmente.
Este trámite vai dirixido a aquelas persoas inscritas que queren actualizar os seus datos por cambio de domicilio dentro do mesmo municipio.
Como facelo
Por Internet
Para poder rexistrar documentos no Rexistro Xeral a través de Internet coa mesma validez que presencialmente hai que estar rexistrado previamente na Carpeta do Cidadán.
No caso de querer achegar documentación asinada, debe ter en conta que, para a presentación telemática, só terá validez a documentación asinada electrónicamente e non a documentación escaneada asinada a man.
Presencialmente
So para os solicitantes non obrigados a relacionarse telemáticamente coa administración (pode consultar os solicitantes obrigados a relacionarse coa administración de maneira electrónica).
1. Pedir no Concello a Folla de Inscrición / Modificación (Disponíbel nesta páxina e na oficina de Estadística do Concello).
2. Cumprimentala e entregala no Concello coa documentación requerida.
INSTRUCIÓNS PARA CUMPRIMENTAR A FOLLA DE INSCRICIÓN:
- Escriba con pluma ou bolígrafo e en letras maiúsculas.
- Non encher os recadros sombreados.
- Indique no recadro correspondente: MESMO MUNICIPIO.
- A folla cumprimentada será asinada por todos os maiores de idade que se inscriban (polos menores asinan a nai e o pai ou titores legais).
- De se incorporaren novos habitantes a unha vivenda xa habitada, amáis terá que asinar a autorización das novas inscricións, a persoa maior de idade que dispoña dalgún título que acredite a posesión da vivenda (escritura de propiedade, contrato de aluguer). (Recadro persoa que autoriza).
- Encha o recadro "Número total de persoas inscritas nesta folla", para garantir a inalterabilidade dos espacios que puidesen quedar en branco.
- Se ten algunha dúbida seralle resolta no teléfono 986 810 132 ou no correo ofi.estatistica@vigo.org
Documentación requirida
- Folla de Inscrición ou Modificación no Padrón Municipal
-
Documento que acredite a identidade das persoas inscritas
Traer o documento ORIXINAL, e se é o caso, tamén o da persoa que autoriza novas inscricións nunha folla xa existente: - D.N.I. (imprescindíbel maiores de 14 anos) - Pasaporte - Tarxeta de estranxeiro - Libro de familia para os menores. - Para os menores procedentes do estranxeiro que no seu pasaporte non figuren os nomes dos pais, terán que aportar unha partida de nacemento ou libro de familia do seu país. -
Documento que acredite a ocupación da vivenda
Traer o documento ORIXINAL (Escritura de propiedade, contrato arrendamento en vigor e último recibo pago, contrato o factura actual emitido pola compañía subministradora de auga, gas, electricidade, teléfono, etc.) -
No caso de Cambio de Domicilio dun Menor
- Consultar na Oficina de Estatística
Observacións
- Os que vivan en máis dun municipio inscribiranse no que residan durante máis tempo ó ano.
- O veciño ten dereito a coñecer a información que consta no Padrón sobre a súa persoa e a esixir a súa rectificación cando sexa errónea ou incorrecta.
- A presentación da folla de inscrición / modificación cumprimentada no Concello implica a súa conformidade para actualizar o Censo Electoral en consonancia cos datos reflectidos nela.
Oficinas
-
Estatística - Vivendas
Concello de Vigo
Planta Baixa - Praza do Rei nº1
36202 - Vigo
Teléfono: 986 810 132
Lexislación relacionada
- Resolución de 29 de abril de 2020 pola que se publica a Resolución de 17 de febreiro de 2020 pola que se dictan instrucións técnicas aos Concellos sobre a xestión do Padrón municipal
- Real Decreto 1690/1986, de 11 de xullo, polo que se aproba o regulamento de poboación e demarcación das Entidades Locais
- Real Decreto 2612/1996, de 20 de decembro, polo que se modifica o Regulamento de poboación e demarcación territorial das entidades locais aprobado polo Real Decreto 1690/1986, de 11 de xullo
- Real Decreto 3425/2000, de 15 de decembro, sobre inscrición dos españois nos Rexistros de Matrícula das Oficinas Consulares no estranxeiro
Trámites relacionados
- Alta no Padrón Municipal de Habitantes
- Comprobación da Validez dos Xustificantes / Volantes de Empadroamento Emitidos por Internet
- Modificación Datos Persoais no Padrón
- Consulta do estado da tramitación dos certificados de empadroamento emitidos por Internet
- Solicitude de Certificado de Empadroamento
- Solicitude de Xustificante / Volante de Empadroamento Familiar
- Solicitude de Xustificante / Volante de Empadroamento Individual
- Consulta do Censo Electoral
App móbil Vigo
Información da cidade (transporte, axenda, recursos, ...), trámites, ofertas de emprego,...
Concello de Vigo (Servizo de Administración Electrónica)
Praza do Rei 1 - 36202 - Vigo (Pontevedra) - Teléfono: 010 - 986810100
