Vigo inclusivo, é un programa de ocio e tempo libre que se está a levar a cabo dende a Concellería de Política Social do Concello de Vigo, e que está dirixido a persoas con diversidade funcional, a partires dos tres anos de idade.

A finalidade deste programa, ademais de favorecer a educación non formal e o desenvolvemento integral de persoas con diversidade funcional é a de permitir a conciliación familiar nos períodos non lectivos (Semana Santa, verán e Nadal).

Este programa incluirá a realización de actividades inclusivas de carácter lúdico e dinámico, excursións e actividades culturais, ademais de obradoiros e actividades específicas.

Poderán ser beneficiarias persoas con diversidade funcional, a partir de tres anos, e empadroadas no Concello de Vigo.

Prazo aberto dende o luns 27 de maio ao venres 14 de xuño de 2024, ambos inclusive.

• Solicitude programa Vigo Inclusivo Verán
• Ficha de coñecemento
• Autorización para o programa Vigo inclusivo
• Aquelas persoas que teñan que tomar medicación nas horas da actividade, presentarán prescrición médica e posoloxía para a administración da mesma.
• Ficha de transporte
• Os que o soliciten por primeira vez
  • DNI, NIE ou pasaporte da persoa solicitante
  • Tarxeta médica
  • Fotocopia da tarxeta ou certificado oficial de discapacidade
  • Fotografía da persoa solicitante

Nos campamentos de Xuventude contamos con 3 prazas do 08 ao 19 de xullo.

No caso dos campamentos do Verbum e San Francisco, en xullo ofertaranse 35 prazas por semana, (105 prazas). En agosto ofertaranse 45 prazas, por semana, (135 prazas), . Nestes campamentos ofertaranse un total de 240 prazas.

En caso de presentarse máis solicitudes que prazas ofertadas, os criterios a seguir para a adxudicación das prazas serán:

1º.- Solicitantes con 65% ou máis de discapacidade.

2ª.- Orde de presentación da solicitude.

• Benestar Social Praza do Rei 1, planta baixa.

  Horario: 9 a 13.30 horas de luns a venres